Қазанғап атындағы Қызылорда музыкалық колледжі 1977 жылы Қазақ ССР Министрлер Кеңесінің бұйрығымен ашылған. Музыкалық  училищенің негізінде құрылып, 1977 жылға дейін заңды тұлға болып келген.

1997-1999 жылдар аралығында М.Мәметова атындағы гуманитарлық колледжінің құрамында болды.

ҚР Білім және ғылым министрлігінің 11.12.1995 жылғы №312 қаулысына сәйкес Қызылорда музыкалық училищесі Кызылорда музыкалық колледжі болып өзгертілді.

ҚР Үкіметінің 24.12.1996 жылғы №1601 қаулысына және ҚР Білім және ғылым министрлігінің 15.01.1996 жылғы №14 бұйрығына сәйкес Қызылорда музыкалық колледжі таратылды.

 Музыкалық колледж және педагогикалық колледж біріктіріліп қосылуы арқасында  колледж құрылды.

08.05.1997 жылғы №814 Қаулыға сәйкес гуманитарлық колледжге  М.Мәметова аты берілді.

1999 жылдың 1-сәуірінен бастап Қызылорда облысы әкімі Бердібек Машбекұлы Сапарбаевтың 1999 жылдың 26 ақпанындағы №8 шешіміне сәйкес облыстық бюджеттен қаржыландыру мәртебесі беріліп, Қызылорда музыкалық колледжі болып қайта құрылды.

Бердібек Машбекұлы Сапарбаев арнайы бұйрығымен директорлық міндетке Бутабаев Кеулімжай Шалтақбайұлын тағайындады.

Қазақстан Республикасы Үкіметінің 2003 жылғы 30 мамырдағы №497 Қаулысына сәйкес Қызылорда музыкалық колледжіне күйші-композитор Қазанғап Тілепбергенұлының есімі беріліп, Қазанғап атындағы Қызылорда музыкалық колледжі  болып өзгертілді.

Қызылорда облысы әкімдігінің 2019 жылғы 18 сәуірдегі Қаулысына сәйкес «Қызылорда облысының білім басқармасының «Қазанғап атындағы Қызылорда музыкалық жоғары колледжі» коммуналдық мемлекеттік қазыналық кәсіпорны» болып қайта аталды.

ҚР Білім және ғылым министрлігінің Білім және ғылым саласындағы бақылау комитеті Қызылорда облысының Білім саласындағы бақылау департаментінің 2015 жылғы 13 мамырдағы №КZ30LAA00004802 лицензиясы негізінде білім беру қызметін кәсіптік орта білімді мамандықтар  бойынша мамандар даярлауда.